ºÚÁϲ»´òìÈ

Wyt ti’n barod i fynd i’r afael â byd Llenyddiaeth Saesneg? Ym Mhrifysgol ºÚÁϲ»´òìÈ, cei gyfle i adeiladu sylfaen gref o sgiliau a gwybodaeth yn dy flwyddyn gyntaf, ac yna’n cael dewis o blith ystod gyffrous o fodiwlau wrth i ti symud ymlaen drwy’r cwrs. Cei ryddid i archwilio diddordebau newydd, a hyd yn oed cynnal ymchwil annibynnol ar bwnc rwyt yn angerddol amdano.

Nid yw’n syndod bod ein rhaglen Llenyddiaeth Saesneg wedi cyflawni sgôr o 100% o ran Boddhad Cyffredinol yn Arolwg Cenedlaethol Myfyrwyr 2025 - mae myfyrwyr wrth eu bodd â'r cyfleoedd a'r gefnogaeth rydym yn eu darparu. O destunau 1,000 o flynyddoedd oed, i ysgrifennu modern sy'n llunio cymdeithas heddiw, mi fyddi’n darganfod dulliau arloesol o ymdrin â llenyddiaeth. Mi fyddi’n archwilio genres megis y Gothig, Comedi, a Ffuglen i Blant, ac yn mynd i'r afael â themâu mawr megis rhywedd a rhywioldeb, newid hinsawdd, anghyfiawnder gwleidyddol, anghydraddoldeb economaidd, a globaleiddio.

Mae ein graddau Llenyddiaeth Saesneg wedi'u cynllunio i danio creadigrwydd ac i fwydo chwilfrydedd deallusol. Mi fyddi’n archwilio materion cyfoes mewn ffyrdd dychmygus wrth ddatblygu'r sgiliau cyfathrebu y mae cyflogwyr yn chwilio amdanynt. 

Mi fyddi hefyd yn meithrin y cryfderau pwnc-benodol sy'n dy roi ar y blaen mewn byd sy'n cael ei siapio fwyfwy gan ddeallusrwydd artiffisial. Drwy ddarllen yn fanwl, meddwl yn feirniadol a defnyddio iaith yn greadigol, mi fyddi’n dysgu sut i ddehongli gwybodaeth gymhleth, herio syniadau a llunio dadleuon gwreiddiol. 

Drwy sgyrsiau parhaus gyda darlithwyr a chyfoedion, o fewn yr ystafell ddosbarth a thu hwnt, mi fyddi’n magu hyder yn dy lais dy hun ac yn dysgu sut i fynegi syniadau cymhleth mewn modd clir a pherswadiol.

Nid archwilio llyfrau gwych yn unig mae astudio Llenyddiaeth Saesneg ym Mhrifysgol ºÚÁϲ»´òìÈ yn ei olygu, mi fyddi hefyd yn meithrin sgiliau y mae cyflogwyr yn eu gwerthfawrogi. Mae llawer o'n modiwlau'n cynnwys asesiadau arloesol a chreadigol sydd wedi'u cynllunio i dy baratoi at ystod eang o yrfaoedd. 

Wrth i ti gofleidio dy gariad at ddarllen, mi fyddi’n datblygu cryfderau trosglwyddadwy megis meddwl beirniadol, sylw i fanylion a'r gallu i lunio dadleuon perswadiol sydd wedi'u hymchwilio'n dda. Mewn byd sy'n newid yn gyflym ac sydd wedi'i siapio gan dechnolegau newydd, mae'r sgiliau dynol hyn yn dod yn fwyfwy poblogaidd ymysg cyflogwyr, gan dy helpu i ddod â mewnwelediad, barn a gwreiddioldeb i ba bynnag lwybr rwyt yn ei ddewis.

Tyrd i fod yn rhan o gymuned gefnogol a chlos ym Mhrifysgol ºÚÁϲ»´òìÈ, lle mae dy lwyddiant yn bwysig. O'r diwrnod cyntaf, mi fyddi’n cael dy addysgu gan arbenigwyr pwnc sydd gyda’r gorau yn y byd, ac a fydd yn cymryd yr amser i ddod i dy adnabod ti a dy waith. Mae ein cymhareb ragorol o fyfyrwyr i staff yn golygu y byddi’n elwa ar ddull personol o addysgu, gyda grwpiau seminar bach, goruchwyliaeth project un-i-un, gweithdai, a sesiynau galw heibio rheolaidd. Dyna pam ein bod wedi ein rhestru yn y 10 uchaf yn y Deyrnas Unedig am Gefnogaeth Academaidd yn Arolwg Cenedlaethol Myfyrwyr 2025. 

Y tu hwnt i'r ystafell ddosbarth, mae ein cymuned Llenyddiaeth Saesneg yn fywiog ac yn groesawgar. Cei gyfleoedd i ymgolli mewn darllen, mynd ar ymweliadau i’r theatr ac ar deithiau maes, cwrdd ag awduron gwadd, ymuno â seminarau ymchwil, archwilio casgliadau ac archifau arbennig Prifysgol ºÚÁϲ»´òìÈ, a chymryd rhan mewn cymdeithasau myfyrwyr a grwpiau darllen bywiog.

Mi fyddi’n astudio'r clasuron yma ym Mhrifysgol ºÚÁϲ»´òìÈ, gan gynnwys Chaucer, Austen, Shakespeare, y Brontës, Wordsworth, a Plath - ond mae ein gradd yn mynd ymhell y tu hwnt i ffiniau traddodiadol. Nid llenyddiaeth o Loegr yn unig yw Llenyddiaeth Saesneg. 

Cei gyfle yn archwilio ysgrifennu ôl-drefedigaethol a dad-drefedigaethol, yn ogystal ag amrywiaeth gyfoethog llenyddiaeth pedair gwlad y Deyrnas Unedig. Mae gennym arbenigedd cryf mewn Llên Saesneg Cymru, ac mae’r addysgu hefyd yn amlygu’r cyd-destunau Ewropeaidd sydd wedi llywio llenyddiaeth Prydain. Dyma dy gyfle i weld Llenyddiaeth Saesneg mewn ffordd fyd-eang a chynhwysol.