���ϲ�����

Mae addysgu ieithoedd modern yn aml yn dibynnu ar asesiadau traddodiadol fel gwaith ysgrifenedig a phrofion gramadeg i fesur perfformiad myfyrwyr.

Fodd bynnag, mae tîm o academyddion Ieithoedd Modern yn ysbrydoli athrawon a myfyrwyr i fabwysiadu ffyrdd newydd a chreadigol o ymchwilio i iaith ac asesu dysgu iaith - trwy gelf.

Dan arweiniad Dr Alex Mangold - Darlithydd yn Adran Ieithoedd Modern Prifysgol Aberystwyth - mae’r tîm wedi lansio’r Ganolfan Ieithoedd Modern Creadigol, rhad ac am ddim sy’n rhoi enghreifftiau o asesu creadigol ac ymchwil artistig o’r Deyrnas Unedig a thu hwnt. 

Eglurodd Dr Sarah Pogoda, Darlithydd ym Mhrifysgol ���ϲ�����, ac sy’n cyd-arwain y project:

“Fel rheol wrth addysgu ieithoedd modern, rydym yn mesur sgiliau iaith a gwybodaeth ddiwylliannol myfyrwyr trwy osod traethawd neu arholiad llafar.  Fodd bynnag, rydym am ysbrydoli athrawon a darlithwyr prifysgol i feddwl y tu allan i'r bocs a thu hwnt i fformatau traddodiadol. Mae ein canolfan ar-lein yn dangos casgliad eang o enghreifftiau asesu creadigol o bob rhan o’r Deyrnas Unedig ac yn dangos sut mae creadigrwydd artistig eisoes yn amrywio sut mae myfyrwyr ac athrawon yn ymgysylltu ag ieithoedd modern. Mae’n dangos sut y gallem drawsnewid y ffordd yr ydym yn addysgu ac yn asesu ein myfyrwyr.”

Ychwanegodd Dr Alex Mangold:

“Gall ymarferion creadigol myfyrwyr ac ymchwil artistig gynnwys blogiau, podlediadau, ffilmiau byr, gosodiadau celf, nofelau graffig, barddoniaeth, paentio, ffotograffiaeth, monologau theatrig, clownio, animeiddiadau, perfformiadau digidol a cherddoriaeth.”

“Mae’r dulliau hyn yn gwahodd myfyrwyr i wneud pethau mewn ffyrdd gwahanol a mwy diddorol, a gallent yn y pen draw annog mwy o fyfyrwyr i astudio ieithoedd modern yn ein prifysgolion.”

Gobeithio y bydd y casgliad o enghreifftiau yn ysbrydoli cydweithwyr a myfyrwyr i arbrofi i gael ffurfiau newydd a chreadigol o asesu. Mae’r ganolfan hefyd yn cynnig casgliad o ymchwil artistig ym maes Ieithoedd Modern, gan ddangos sut mae’r celfyddydau’n cynhyrchu gwybodaeth am iaith a diwylliannau sy’n aml yn gudd i fethodolegau academaidd traddodiadol.

Yr wythnos ddiwethaf, cyflwynodd y tîm weithdy ym Mhrifysgol ���ϲ�����. Dywedodd Dr Sarah Pogoda:

“Mae ymgysylltu â’n gweithdai ac ymatebion iddynt yn dangos bod y rhan fwyaf o gydweithwyr yn awyddus iawn i arbrofi gyda dulliau creadigol o ddysgu ac asesu ieithoedd modern. O’r hyn rydym wedi’i glywed, mae staff a myfyrwyr yn ddiolchgar am y cyfle i ddysgu am arferion, gweithdrefnau a sicrhau ansawdd gan gydweithwyr eraill.”

Ariannwyd y project gan Wobrau Datblygu Talent yr Academi Brydeinig 2021. 

Mae’r Tîm Ieithoedd Modern Creadigol yn cynnwys Dr Alex Mangold (Prifysgol Aberystwyth), Dr Sarah Pogoda (Prifysgol ���ϲ�����) a Fernando Castellano-Banuls (Prifysgol Aberystwyth).

Mae’r Ganolfan Ieithoedd Modern Creadigol ar gael ar-lein yn