���ϲ�����

Caiff y cwrs byr, lefel 7 rhan-amser hwn ei gyflwyno ar ein campws ym Mangor a Wrecsam, gyda rhywfaint o gynnwys ar gael ar-lein (dull dysgu cyfunol).

Mae gweithwyr gofal iechyd arennol proffesiynol yn gofalu am grŵp o gleifion sy'n llwyr ymwybodol o effeithiau dinistriol y salwch acíwt/cronig.  

Mae dibyniaeth ar offer technegol iawn, cymhlethdodau therapi hirdymor a phrofiadau cyson o sefyllfaoedd sy’n peryglu bywyd, yn rhoi pwysau aruthrol ar yrfaoedd, teulu a ffrindiau.  

O ganlyniad, mae’r Cwrs Byr hwn ar Ddatblygiadau mewn Gofal Arennol yn hanfodol i sicrhau bod y gweithwyr gofal iechyd proffesiynol hynny sy’n gweithio ym maes arennol yn gwbl gymwys i ymdrin â’r cyfoeth o wybodaeth ddamcaniaethol ac ymarferol gyfoes sy’n ymwneud â rheoli’r cyflwr a’i gymhlethdodau. Bydd hyn yn eu galluogi i ddarparu ymarfer sy'n seiliedig ar dystiolaeth wrth ofalu am y grŵp hwn o gleifion.  

Mae'r Cwrs Byr hwn yn addas ar gyfer gweithwyr gofal iechyd proffesiynol sy'n gweithio o fewn y maes arennol e.e. unedau arennol/dialysis, gofal critigol a gofal meddygol acíwt. 

I bwy mae’r cwrs hwn yn addas?

Mae'r cwrs yn agored i nyrsys a Gweithiwr Proffesiynol Perthynol i Iechyd (AHPs) sy'n gweithio gyda chleifion arennol ar hyn o bryd.  

Pam astudio’r cwrs?

Mae'r cwrs byr hwn wedi'i gynllunio'n benodol i gynorthwyo ymarferwyr cofrestredig i baratoi ar gyfer eu rôl yn y maes arennol. Bydd y dysgwr yn cael y cyfle i wella eu gwybodaeth a'u sgiliau mewn anafiadau acíwt i'r arennau (AKI) a chlefyd cronig yn yr arennau (CKD) a dysgu sut i ddarparu gofal o ansawdd uchel wrth archwilio anghenion gofal cymhleth unigolion â chlefyd arennol.  

Mae’r cwrs wedi’i strwythuro mewn ffordd sy’n hybu trafodaeth a chydweithio rhwng myfyrwyr, gan ddysgu o brofiadau a safbwyntiau ei gilydd. Mae wedi'i deilwra i ddiwallu anghenion gweithwyr cofrestredig sy'n gweithio mewn practis ac mae'n archwilio canllawiau cenedlaethol cyfredol ac arfer gorau o ran nodi, trin a rheoli clefyd arennol. 

Pa mor hir mae'r cwrs yn cymryd i'w gwblhau?

Mae’r cwrs byr hwn yn rhedeg dros 22 wythnos, fel arfer yn ystod semester 1 o’r flwyddyn academaidd. 

 Mae dyddiadau’r cwrs ar gyfer blwyddyn academaidd 25/26 fel a ganlyn: 

 8 diwrnod astudio, ar y dyddiadau canlynol, ar ein campws ym Mangor: 

• 17 Chwefror 2026
• 3 Mawrth 2026
• 17 Mawrth 2026
• 14 Ebrill 2026
• 28 Ebrill 2026
• 12 Mai 2026
• 26 Mai 2026
• 9 Mehefin 2026

Bydd asesiadau ar y cwrs byr hwn yn cynnwys: 

• Aseiniad - Adolygiad llenyddol yn ymchwilio i broblem neu fater o fewn yr arbenigedd arennol
• Cymwyseddau Clinigol

Tiwtor

Heather Bloodworth,Darlithydd mewn Gofal Iechyd, Ysgol Gwyddorau Iechyd

Mae gan Heather wybodaeth a phrofiad helaeth yn ymwneud ag ymarfer uwch, endocrinoleg, gofal brys a nyrsio practis cyffredinol.

Julie Cripps, Darlithydd mewn Gofal Iechyd, Ysgol Gwyddorau Iechyd

Mae Julie wedi cael gyrfa hir mewn nyrsio arennol lle cafodd brofiad o bob agwedd ar reoli Arennol. Ar hyn o bryd mae Julie yn dysgu ar fodiwlau cyn ac ôl-gofrestru.

Beth fyddwch chi’n ei astudio ar y cwrs yma?

Bydd y cwrs byr yn cynnwys yr elfennau canlynol:

• Achosion a rheolaeth o anafiadau acíwt i'r arennau
•  Clefyd cronig yn yr arennau (CKD) • Gofal cyn dialysis
• Ymchwiliadau arennol
• Ffarmacoleg
• Ymchwiliadau radiograffeg
• Therapïau amnewid arennol
• Therapïau cartref
• Mynediad fasgwlaidd
• Maeth arennol
• Effaith seicolegol o therapi amnewid arennol
• Trawsblannu
• Cynllunio Gofal Uwch
• Pontio rhwng gofal gweithredol i ofal lliniarol
• Rheolaeth geidwadol

Beth fydd y dysgwr yn ei gael allan o’r cwrs?

Ar ddiwedd y cwrs byr hwn, bydd dysgwyr yn gallu:

• Trafod yn feirniadol achosion anaf acíwt i'r arennau a sut i'w reoli mewn amgylchedd ysbyty acíwt. 
• Datblygu dealltwriaeth gynhwysfawr o glefyd cronig yn yr arennau 
• Deall egwyddorion Therapi Amnewid Arennol a'r gallu i ymdrin â materion sy’n ymwneud a addasrwydd, gallu, amgylchiadau ac ansawdd bywyd claf. 
• Dangos gwybodaeth a dealltwriaeth feirniadol o'r materion moesegol, diwylliannol, crefyddol, ysbrydol ac ansawdd bywyd sy'n gysylltiedig â chlefyd arennol 
• Archwilio a gwerthuso’n feirniadol rôl y tîm amlddisgyblaethol o fewn y gosodiad arennol, a dangos eu bod yn gallu gweithio fel aelod effeithiol o dîm amlddisgyblaethol. 
• Dehongli a lledaenu gwybodaeth gyfredol yn feirniadol trwy adolygiad beirniadol o'r llenyddiaeth sy'n ymwneud â chlefyd yr arennau a sut mae'n berthnasol i ddarpariaeth gofal iechyd 

• Dylid cyfeirio ymholiadau ynghylch ariannu Bwrdd Iechyd Prifysgol Betsi Cadwaladr (BIPBC) a bcu.nurseeducation@wales.nhs.uk.
• Mae'n bosibl y bydd cyfleoedd ariannu ar gael i rai sy'n gweithio'n lleol (h.y. yn ardaloedd gogledd Cymru a Phowys), cysylltwch â'r cydlynydd modiwl perthnasol am fanylion.
• Dylid cyfeirio pob ymholiad arall sy'n ymwneud â cheisiadau ac ariannu at gydlynydd y modiwl.

Ewch i dudalen Ffioedd a Chyllid Ôl-raddedig er mwyn cael gwybodaeth bellach.

Rhaid i ymgeiswyr fod yn weithwyr gofal iechyd proffesiynol sy'n gweithio gyda chleifion arennol mewn lleoliad acíwt neu gymunedol.

Sut i wneud cais

Gwnewch yn siŵr eich bod yn darllen ac yn dilyn y canllaw cais cam wrth gam gan y bydd hyn yn nodi pa adrannau o'r ffurflen gais sy'n orfodol ar gyfer y math o gwrs rydych am wneud cais amdano ac arbed amser i chi.

Paratowch y wybodaeth ganlynol (mewn dogfen Word):

• Manylion cyflogaeth cyfredol;
• Blynyddoedd o brofiad, a hanes cyflogaeth (lle bo hynny'n berthnasol)
• Enw'r aelod staff a'r sefydliad sydd wedi cymeradwyo eich cyllid ar gyfer y modiwl hwn.

Bydd hyn yn cyflymu'r broses o lenwi'r ffurflen gais.