ºÚÁϲ»´òìÈ

Croeso i Ysgol Feddygol Gogledd Cymru, un o ysgolion meddygol mwyaf newydd y wlad sy’n rhan o sefydliad sy’n llawn hanes meddygol a biofeddygol.

Os ydych yn ystyried ymuno â ni fel myfyriwr, byddwch yn dod yn rhan o ysgol fywiog sy’n tyfu. Yn rhan o’ch taith drawsnewidiol cewch gefnogaeth, anogaeth a chyfle i ymgysylltu â rhai o feddyliau blaenllaw Gogledd Cymru. Bydd ein rhaglenni gradd heriol, sy'n seiliedig ar ymchwil ac a addysgir gan staff academaidd profiadol a hynod gymwysedig, yn eich grymuso i ddod yn raddedigion gwybodus, cyflogadwy ac arloesol.

Os hoffech bartneru â ni mewn ymchwil ac ysgolheictod, fe welwch dîm ymroddedig o ymchwilwyr sy'n gwthio ffiniau’r gwyddorau meddygol a fferyllol. O ddatblygu cyffuriau canser i ffarmacogenomeg, ymarfer proffesiynol, gwyddorau ymddygiadol ac economeg iechyd, rydym ar flaen y gad o ran ymchwil feddygol.

Sut bynnag y byddwch yn ymgysylltu â ni, rwy'n edrych ymlaen at rannu cyffro datblygiad Ysgol Feddygol Gogledd Cymru wrth i ni barhau i gael effaith ar fywydau cymunedau yng Ngogledd Cymru a thu hwnt.