���ϲ�����

Mae’r ENDS Report wedi cyhoeddi ei restr ddiweddaraf o'r 100 o weithwyr proffesiynol amgylcheddol yn y Deyrnas Unedig sydd wedi cael yr effaith fwyaf yn y sector dros y ddwy flynedd ddiwethaf.

Mae'r Athro Christian Dunn, o’r Ysgol Gwyddorau Amgylcheddol a Naturiol ym Mhrifysgol ���ϲ�����, wedi ei enwi'n un o'r 10 academydd gorau ar y rhestr am ei waith ar wyddoniaeth gwlyptiroedd ac atebion sy'n seiliedig ar natur.

Mae'r rhai sydd ar restr ENDS yn cael eu henwebu gan eu cydweithwyr a'u cyfoedion, ac maent yn cynnwys prif swyddogion gweithredol sefydliadau amgylcheddol, gweithwyr proffesiynol blaenllaw a gweithwyr y llywodraeth. 

Tynnwyd sylw at waith yr Athro Christian Dunn am ddylanwadu ar wyddoniaeth amgylcheddol yn y Deyrnas Unedig.

Meddai’r Athro Dunn, a ymddangosodd hefyd yn rhestr 2024: “Dydw i ddim yn hollol siŵr sut ydw i wedi cyrraedd rhestr ENDS am yr ail dro, yn enwedig pan welwch chi rai o’r bobl wirioneddol ddylanwadol sydd ar y rhestr – mae’n anrhydedd wirioneddol.

“Ond y peth pwysicaf oll, yw beth mae’n ei ddweud am bwysigrwydd cynyddol gwyddor amgylcheddol yn y Deyrnas Unedig.

“Ddeng mlynedd yn ôl, roedd pethau fel gwlyptiroedd, bioamrywiaeth ac atebion seiliedig ar natur yn aml yn cael eu hystyried yn ddiddordebau arbenigol.

“Heddiw maen nhw’n cael eu trafod mewn ystafelloedd bwrdd, yn adrannau’r llywodraeth ac mewn cymunedau ledled y Deyrnas Unedig oherwydd bod pobl yn cydnabod fwyfwy nad delfryd yw adfer natur – mae’n hanfodol i fynd i’r afael â heriau fel llifogydd, llygredd dŵr, newid hinsawdd a lles y cyhoedd,” meddai’r Athro Dunn.

Mae'r Athro Christian Dunn yn wyddonydd gwlyptiroedd ac mae’n ymchwilio i ddefnyddio gwlyptiroedd fel atebion sy'n seiliedig ar natur.

Ef hefyd yw Dirprwy Is-ganghellor Cynorthwyol dros Gynaliadwyedd y brifysgol, ac mae’n ymddiriedolwr i’r WWT, yr elusen gwlyptiroedd, a Chymdeithas Ecolegol Prydain.

Sefydlwyd yr ENDS Report ym 1978, ac mae’n gylchgrawn sy'n ymdrin â pholisi amgylcheddol a busnes a newyddion.

Mae Ysgol Gwyddorau Amgylcheddol a Naturiol Prifysgol ���ϲ����� yn cynnig amrywiaeth o raddau israddedig ac ôl-radd i fyfyrwyr sydd â diddordeb gweithio yn y sector amgylcheddol.