���ϲ�����

Mae'r buddsoddiad yn dilyn llofnodi memorandwm cyd-ddealltwriaeth newydd rhwng Llywodraeth Cymru, Llywodraeth y Deyrnas Unedig, Cyngor Sir Ynys Môn a Stena Line UK. Mae'n rhyddhau cyfran gyntaf y cyfalaf cychwynnol i saith project a fydd yn cryfhau seilwaith, yn ysgogi twf economaidd ac yn creu swyddi newydd ledled gogledd Cymru.

Ymhlith y projectau a gefnogir mae Egni, yr ail adeilad ymchwil ac arloesi mawr yn M SParc. Bydd y datblygiad yn cynnwys labordai celf, man gwaith, neuadd arloesi a chyfleuster dadansoddi deunyddiau pwrpasol. Bydd yr adeilad newydd yn ehangu capasiti’r parc i gwmnïau sy'n gweithio yn y sector carbon isel, y sector digidol a’r sector gweithgynhyrchu uwch. 

Bydd Egni yn adeiladu ar gryfderau academaidd y brifysgol ac ecosystem arloesi sefydledig M SParc, gan gefnogi'r ymdrechion i greu dyfodol carbon isel i’r rhanbarth trwy ddarparu swyddi, datblygu sgiliau a chyfleoedd i fusnesau ehangu. 

Elfen allweddol o'r datblygiad yw ehangu capasiti ymchwil carbon isel Prifysgol ���ϲ�����, yn cynnwys gwaith Sefydliad y Dyfodol Niwclear. Bydd y buddsoddiad yn helpu creu amgylchedd arloesi integredig lle mae ymchwilwyr o’r brifysgol a phartneriaid diwydiant yn gweithio ochr yn ochr, gan gyflymu datblygiadau a chymwysiadau byd-eang a denu mwy o fuddsoddiad preifat yn y sector.

�ѱ��岹��’r Athro Paul Spencer, Dirprwy Is-ganghellor dros Ymchwil, “Mae cyhoeddiad heddiw yn garreg filltir bwysig i arloesi a thwf economaidd yng ngogledd Cymru. Mae’r buddsoddiad ym Mhorthladd Rhydd Ynys Môn a'r ymrwymiad i ddatblygiad Egni yn M Sparc yn tynnu sylw at gyfraniad canolog Prifysgol ���ϲ����� at yrru rhagoriaeth ymchwil a sicrhau manteision economaidd cynaliadwy, hirdymor i'r rhanbarth”.

“Bydd Egni yn ehangu ein gwaith partneriaeth â diwydiant yn sylweddol, yn cyflymu’r gwaith ar garbon isel a chreu cyfleoedd newydd i sgiliau, swyddi a thwf busnes. Edrychwn ymlaen at gydweithio'n agos â phartneriaid y Porthladd Rhydd i sicrhau bod y datblygiadau hyn o fudd i gymunedau ledled gogledd Cymru."